"Saving Iceland"

Ég var að hlutsta á viðtal fréttamanns við fulltrúa samtakanna Saving Iceland.  Þarna fær fulltrúi SI allan þann tíma sem hann vill til að koma sínum sjónarmiðum á framfæri, en fréttamaður spyr ekki neinna spurninga sem skipta máli. Hvernig væri nú að láta þetta fólk gera grein fyrir sér; hvað heitir það, hvaðan kemur það, hvað er það að gera á Íslandi, hvað gerir það í sínu heimalandi, hvernig kostar það starf sitt hér, osfrv.

það er ekki hlutverk íslenskra fjölmiðla að birta ókeypis auglýsingar fyrir þessi samtök frekar en aðra auglýsendur. Íslenskir fjölmiðlar eiga að birta fréttir af þessum viðburðum, og ég reikna með að ég sé ekki einn um að vilja vita eitthvað um þetta fólk í Saving Iceland og samtökin sjálf. Þeir segjast jú vera að bjarga landinu okkar, viljum við ekki mynda okkur skoðun á því hvort það sé örugglega svo. Eða eru þetta etv. bara atvinnumótmælendur sem eru að valda okkur fjárhagslegu tjóni með framferði sínu?  Mig vantar upplýsingar til að geta metið þetta, og þær upplýsingar eiga fjölmiðlar að afla láta mig hafa. Til þess eru fjölmiðlar m.a.

Sjö mótmælendur handteknir

Athugasemdir

[Eva Hauksdóttir (IP-tala skráð) 28.7.2008 kl. 16:58]

Bíddu nú við! Einhvernveginn rámar mig í að hafa heyrt mýmörg viðtöl við bæði Friðrik Zophusson og Þorstein Hilmarsson þar sem þeir fegnu algerlega óáreittir að koma áróðri sínum til skila. Er ekki bara sanngjarnt að fleiri sjónarmig fái á heyrast?

[Eva Hauksdóttir (IP-tala skráð) 28.7.2008 kl. 16:58]

sjónarmið, átti ég við.

[Arnar Hólm Ármannsson, 28.7.2008 kl. 17:11]

af hverju borgar þetta lið ekki tjónið sem hlýst af svona vinnustöðvun??? Ég bara skil ekki af hverju þau komast upp með þessa vitleysu.....

[Eva Hauksdóttir (IP-tala skráð) 28.7.2008 kl. 17:21]

Því meira tjón því betra. Það eina sem kapítalísk stórfyrirtæki skilja er peningar. Ef þau verða nógu oft fyrir nógu miklum skaða, endar með því að þau átta sig á því að það er til fólk sem ætlar ekki að láta þau komast upp með óþarfa náttúruspjöll, mannréttindabrot eða samninga við glæpafyrirtæki. Ég get lofað þér því að enginn Saving Iceland liði mun nokkurntíma greiða krónu í sektir eða skaðabætur til þessara fyrirtækja. Hvert einasta okkar myndi frekar sitja inni, á kostnað þess sama ríkis og mylur undir áliðnaðinn.

Því miður getum við ekki komið svo þungu höggi á orku- og álfyrirtækin að þau finni fyrir því, en þegar almenningur gerir sér grein fyrir þeim voðaverkum sem eru framin í þágu áliðnaðarins, mun hann vonandi þrýsta á stjórnvöld um að hætta viðskiptum við þessi glæpakompaní.  

[Eggert Vébjörnsson (IP-tala skráð) 28.7.2008 kl. 17:31]

Stundum er jú ágætt að hlusta og meðtaka hvað sagt er án þess að krítísera hvað ekki var sagt. Síðan er ágætt að hugsa útí það á krítískan hátt hvað sagt var og melta með sjálfum sér hversu raunhæft, skynsamlegt eða hreinlega vitlaust það var að þínu mati.

Hvernig væri nú að gefa því smátíma sem að sagt var og íhuga það í stað þess að byrja strax að gagnrýna hvað ekki var sagt. Þú sem endurskoðandi ættir að hafa burði til þess að setja þetta upp í debet og kredet. Annars kemur Eva líka inná þann púnkt að oft á tíðum fá talsmenn álverja og virkjana að koma fram og tala fyrir sínum málstað án þess að einhver ítarleg rannsóknarblaðamennska fari fram.

Nú vil ég taka það fram að ég flokka mig sem hægri mann svona að flestu leiti og því fylgjandi atvinnufrelsi etc. Hinsvegar finnst mér mikill sannleikur í gamla máltækinu að ekki sé skynsamlegt að vera með öll eggin í sömu körfunni uppá komandi tíma að gera. Hvað gerist ef álverð hrynur? Hvað gerist ef tækniþróunin gerir það að verkum að eitthvað gerviefni leysir álið af hólmi. Hvað þá? Held að okkur væri nær að renna fleirum og styrkari stoðum undir atvinnulífið og útflutningsvegina í stað þess að álvæða hvern fjörð og flóa. Þessutan er ekkert að því að vera svolítið grænn þó maður sé hægri maður