Villandi fréttir af verðbólgu.

Það er svolítð skrítinn ósiður sem nú tíðkast að segja frá verðbólgu í nútíðinni með því að segja hvað verðbólgan hafi verið síðustu tólf mánuði. Þær upplýsingar segja akkúrat ekkert um verðbólguna eins og hún mælist í dag.

Þannig mælt er verðbólgan nú 15,2%.  En staðreyndin er sú að verðbólgan var 0,5% í janúar, 0,6% í febrúar og í mars var verðhjöðnun 0,6%. Það er því ljóst að hraði verðbólgunnar á ársgrundvelli er nú aðeins örfá prósent, en víðsfjarri því að vera fimmtán prósent. Ég skil ekki alveg hvaða fortíðarhyggja þetta er í sambandi við verðbólguna, né átta ég mig á hver stýrir þessari umræðu. En vitlaus er hún hvað sem öðru líður.

Talsvert dregur úr verðbólgu

Athugasemdir

[Haukur Baukur, 24.3.2009 kl. 13:46]

Ég veit ekkert hvað þú ert að tala um, þannig að ég hefði gott af smá námskeiði um verðbólgu.   Þetta er væntanlega einn orðaleikurinn til að halda mér í skefjum.

[TARA, 24.3.2009 kl. 15:36]

Tek undir með Haugnum....skil þetta ekki alveg....

[Guðmundur Ingimundarson (IP-tala skráð) 24.3.2009 kl. 22:01]

Það er mikið að einhver tjáir sig vitrænt um vísitölumælingu. Auðvitað er verðbólgan komin niður í 0 og reikna má með verðhjöðnun næstu mánuði ef gengi helst söðugt. Það er ótrúlegt að lesa og heyra yfirlýsingar frá frambjóðendum og jafnvel lærðasta háskólafólk virðist ekki skilja um hvað málið snýst. Það verður gaman að sjá skýringar fræðingana þegar höfuðstóll verðtryggðra lána lækkar 1.maí.  En sparifjáreigendur verða kannske ekki eins glaðir.

                                                                                  GI